Lirik Syi'ir Nasehat K.H.R Asnawi - Al Mubarok Qudsiyyah Kudus

Berbeda dengan Syi'ir Kanjeng Nabi, Syi'ir Nasehat ini merupakan karangan dari K.H.R. Asnawi, mu'assis Madrasah Qudsiyyah dan juga termasuk pendiri Jam'iyyah Nahdlatul 'Ulama. Syi'ir Nasehat ini sendiri berisi tentang nasehat kyai Asnawi untuk generasi setelahnya agar dijadikan pedoman hidup dan berkehidupan sesuai syari'at dan berakhlaq baik. Berikut liriknya.

Grup : Al Mubarok Qudsiyyah Kudus
Sya'ir : Simbah K.H.R. Asnawi
Lagu : Apank
Album : 11 Bingkisan Satu Abad


Ya Rosulalloh salamun 'alaik # Ya Rofi'as syani wad daroji
'Athfatan yaa jirotal 'alami # Ya Uhailal judi wal karomi 

Purwane tembang aran syi’iran # asmane Allah Gusti Pangeran

Pengalembana mungguh haqiqat # kaduhe Allah kang paring ni’mat

Rahmat lan salam katur utusan # Gusti Muhammad nabi pungkasan

Mengkono uga kawula warga # para sahabat ahli suwarga

 

Iki tembangan kang teka mburi # maring anakku kanggo nuturi

Aja mengucap sun anak ratu # lan pada mulya anak lan putu

Sebab mulyane menungsa iku # benturing tapa bagusing laku

Akeh ‘ilmune ‘amal tho'ate # langgeng sempurna raono pot e

 

Wong tua akeh kang pada mulya # anake ina cilaka sia

Sebab bodhone tanpa sinau # banjur mengucap mengkono mau

Mikiro maring sebab mulyane # wong tua kaya apa lakune

Mandango maring nabi lan rasul # lan para wali para pinunjul

 

Lan para ‘alim kang mlaku bagus # nganggo ilmune tindake alus

Contone kaya uwite mawar # arum kembange ba’dane mekar

Sekehe irung kepengin ngambung # amanda-manda akeh wong gandrung

Maring asale padha nyingkiri # kuwatir maring kecerek  eri

 

Anak kang bagus bapake ala # rinengga mulya akeh wong mlala

Alane bapak rabisa nglungsur # ing derajate anak kang luhur

Kosok baline luhure bapak # rabisa ngangkat asoring anak

Mulane pada mbudi pekerti # ‘ilmu lan ‘amal sangune mati

 

Iki wasiat maring anakku # lan maring para muslim dulurku

Ngelingi nasab uga silsilah # terkadang bener terkadang salah

Lamun supaya niru lakune # leluhur bagus budi kertine

Mengkono iku laku kang bener # dadine cocok nasabe nomer

(ganti lagu)

Ya Rosulalloh salamun 'alaik # Ya Rofi'as syani wad daroji
'Athfatan yaa jirotal 'alami # Ya Uhailal judi wal karomi 

Yen neja maring diri kungkungan # luhuring tedak gawe omongan

Iku keliru aja mbok tiru # ngedokna nasab lakune saru

Kena katembung ngedokno balung # ingkang wus ajur ora demunung

Wong kang mengkono bodo lan kumprung # bingung dak weruh maring delanggung

Seperti kaya tesma an  bathuk # ra weruh maring mburine jitok

 

Elinga sira dongenge kintel # anake kanda dak gelem ngandel

Pagebuk iku gedhe nemeni #  ra ngandel banjur akhire muni

Banjur angeden wetenge mlembung # dak gelem kalah gumedhe sombong

Jur takon gedhe  endi lan aku # jawabe anak urung sagugu

Banjur le ngeden di temenani # supaya raono kang madani

 

Bangete ngeden wetenge bedah # le ngeden ora den arah-arah

Amerga aja sampeya kalah # karo gedhine kebo delalah

Wong kang gumedhe dadine asor # dunya akhirat tumiba ngisor

Elinga iki dongeng jo lali # rina lan wengi den tuli-tuli 2x

 

Dongenge iblis mbangkang ing printah # saking pangeran tur wani bantah

Diprentah sujud maring nabine # adam tan nurut tampa bendune

Digawe isi ono neraka # sak turun2 kabeh cilaka

Sifat gumedhe iku nglabeti # tumeka anak putu mlarati

Wong kang gumedhe iku persasat #  agawe ina ing anak mlarat

(ganti lagu)

Ya Rosulalloh salamun 'alaik # Ya Rofi'as syani wad daroji
'Athfatan yaa jirotal 'alami # Ya Uhailal judi wal karomi 

Nabi Muhammad ngasor tindake # ora rumangsa luhur awake

Sekehe makhluk sak pengisore # gamblang lan terang mungguh luhure

Ewoh semono  dak ngaku luhur # liyane nabi padha kemluhur

Padha ngilo o kaca brenggala # terang rupamu bagus tah ala

Yen kuwe weruh ana wong salah # nacat ra ngrasa kuwe bersalah

 

Lamuna kuwe dhewe nglakoni # dicacat kuwe terus mbenduni

Isina kuwe yen ngaku jempol # ngajimu pelo pating perenjol

Ing meda jaluk ana ing duwur #  ngetengkreng karo ngubengna susur

Anakku lanang aja do ngrokok # aja susuran anakku wedok

Mundak cangkeme penceng lan perot # susure nglewer metu mecothot

 

Pada ngiloho wong kang susuran # yen weruh marang rahine heran

Sisih pipine mendokol mrongkol # sing lanang nyawang pegel mendongkol

Cangkem pipine owah rupane # ra nyenengake maring atine

Kewes lan denes anyenengake # bareng susuran anggethingake

Amerga kaya pipine kethek # saksisih mrongkol nalika nyekek

 

Pikir kang bening lan ngati ngati # ing guru lagi wajibing bekti

Pitutur kabeh kang wus kesebut # anak putuku supaya nurut

Sapa kang nurut dadi wong mulya # dunya akhirat ora di sia 2x

Ing kene rampung tutur wasiat akhire mekas aja maksiyat.